| Aurkezpena |
|
HIZNET
Hizkuntza Plangintza ikastaroa euskararen normalkuntzan behar
beharrezkoa den soziolinguistikazko ezagutza kualifikatu eta sistematikoaren
premiari aurre egiteko sortu zen. Hala ere, argi geneukan HIZNET
ikastaroak, duen goi-mailako diseinu akademikoko planteamenduagatik,
hartzaile mota jakin batzuk izango zituela. Horregatik, euskararen
normalizazioaren inguruan eremu publiko zein pribatuan nolabaiteko
erabakitze ahalmena eta ardura dituztenak ez genituen geureganatzerik
izan. Kezka hauetatik abiatuz, 2004.urtean ikastaro berri bat
sortzeko erabakia hartu genuen.
Oro har, herrietako euskara eta kultura zinegotziak, enpresetako euskara koordinatzaile eta euskara batzordeko kideak, euskalgintzako zuzendaritza batzordeetako kideak, ikastetxeetako irakasleak eta hizkuntza normalkuntzako arduradunak..., guzti hauentzat material erakargarri, arin eta ulerterraza sortu nahiko genuke, dituzten oinarrizko beharrei erantzuteko. Beti ere, maila didaktikoari eutsiz. |
